შესაბამისი ცვლილება საქართველოს სასჯელაღსრულების, პრობაციისა და იურიდიული დახმარების საკითხთა მინისტრის ბრძანებაში შევიდა, რომელიც საკანონმდებლო მაცნეში უკვე გამოქვეყნდა. 
№1 დაწესებულებაში, რომელიც თბილისში, გორგასლის ქ. 85-ში მდებარეობს, ბრალდებულთა და მსჯავრდებულთა განთავსების ლიმიტი 750 იყო, ცვლილებებით კი ლიმიტი 1086-მდე გაიზარდა.
№4 დაწესებულებაში (ქ. ზუგდიდი, ც. დადიანის ქ. №9 ბრალდებულთა განთავსების ლიმიტი 305 იყო, რაც 390-მდე გაიზარდა.
ამასთან, ამავე ბრძანებით, უქმდება №10 დაწესებულება, რომელიც თბილისში, ავჭალის გზატკეცილის №17 –ში მდებარეობდა. ასევე, უქმდება №13 დაწესებულება, ხონის მუნიციპალიტეტში.
სასჯელაღსრულებისა და პრობაციის მინისტრის ბრძანება უკვე ძალაშია