ინფორმაციას პარტია „თავისუფალი დემოკრატები“ პრესსამსახური ავრცელებს.

მათი განმარტებით დღეს, კოალიცია „ქართული ოცნების“ ერთ-ერთი ლიდერი, ირაკლი ალასანია წალენჯიხაში კვარაცხელიას ქუჩის მცხოვრებლებს შეხვდა. კოალიციის ლიდერმა მათ “ქართული ოცნების“ ჯანდაცვის, განათლების, დასაქმებისა და სოფლის მეურნეობის პროგრამები გააცნო. ირაკლი ალასანიას განცხადებით იმის გამო, რომ სამეგრელოში მიწების დიდი ნაწილი დაუმუშავებელია და გლეხს საშუალება არ აქვს სახელმწიფოს დახმარების გარეშე საგაზაფხულო სამუშაოები დაიწყოს, ის წერილით მიმართავს საქართველოს პრეზიდენტს, რათა მისი ფონდიდან გლეხების დაფინანსება მიზნობრივად განხორციელდეს.